ஹிட் லிஸ்ட் – திரைவிமர்சனம்

தமிழ் சினிமாவில் வில்லன் இல்லாத திரைக்கதைகளை படமாக்கி வெற்றி கண்டவர் இயக்குநர் விக்ரமன். அவரது சிஷ்யர் கே.எஸ்.ரவிக்குமார் தயாரிப்பில் விக்ரமன் மகன் அறிமுகமாகியிருக்கும் படம்தான் ஹிட் லிஸ்ட் படம் எப்படி இருக்கிறது ……

எந்த உயிரையும் கொல்லக்கூடாது எல்லா உயிர்களும் நமக்கு உறவுகளே. அவற்றைத் துன்புறுத்தக்கூடாது என்கிற வள்ளலார் வழியைத் தீவிரமாகக் கடைபிடித்து வரும் கதாநாயகன் விஜய்கனிஷ்காவுக்கு இரண்டு கொலை செய்தாக வேண்டும் என்கிற நெருக்கடி ஏற்படுகிறது.இவருக்கு ஏன் இந்த நெருக்கடி? நெருக்கடி கொடுப்பது யார்? அதன் பின் நடப்பவை என்ன? என்கிற கேள்விகளுக்கான பதிலாக திரையில் விரிகிறது ஹிட்லிஸ்ட்.

விஜய்கனிஷ்கா அறிமுக நடிகர் என்று சொன்னால்தான் தெரியும்.தேர்ந்த நடிகர் போல், அப்பாவித்தனம் ஆக்ரோசம் ஆகியனவற்றோடு காதல் உணர்வுகள், அம்மா, தங்கை மீதான பாசம் என உணர்வுகளை  வெளிப்படுத்துவதில் வெற்றி பெற்றிருக்கிறார்.சரத்குமார்,கெளதம்மேனன் என மூத்த நடிகர்களுடனான காட்சியில் பதட்டப்படாமல் இயல்பாக நடித்திருக்கிறார்.காவல்துறை அதிகாரியாக வரும் சரத்குமார், மருத்துவமனை அதிகாரியாக வரும் கெளதம்மேனன், நாயகனின் அப்பாவாக நடித்திருக்கும் சமுத்திரக்கனி, ராமச்சந்திரராஜு ஆகியோர் நடித்திருப்பது திரைக்கதைக்கு வலுச் சேர்த்திருப்பது மட்டுமின்றி திரையரங்குகளுக்கு கூட்டத்தை வர வைக்கவும் தேவையாக இருக்கிறது.ஸ்முருதி வெங்கட், ஐஸ்வர்யா தத்தா, அனுபமாகுமார் ஆகியோர் தாங்கள் ஏற்றிருக்கும் பாத்திரம் உணர்ந்து நடித்திருக்கிறார்கள்.