டான் டிரைலர் வெளியீடு

அண்ணாமலை படம் பார்த்துவிட்டு வீட்டில் வந்து பத்து மாடு வாங்க போறேன். படத்தில் வருவதுபோல ஸ்வீட் கடை வைக்க போறேன்னு சொன்னேன். அப்பாவை பார்த்த போது ஐ.பி.எஸ் ஆக வேண்டும் என நினைத்தேன். இறுதியில் மிமிக்ரி பண்ணினேன் உங்கள் கைதட்டலை பார்த்து புரிந்துகொண்டேன். இந்த இடத்திற்கு வந்துள்ளேன் என்றவர் படத்தை இயக்கியுள்ள அறிமுக இயக்குநர் சிபி பற்றி கூறுகிறபோதுசிபி கடுமையாக உழைக்கிறார். நீங்கள் கடுமையாக உழைத்ததால்தான், அந்த நம்பிக்கையில்தான் நான் இங்கு நிற்கிறேன். எனக்கு ஸ்பாட்டில் ஏதாவது பஞ்ச் போட தோன்றும். ஆனால் இந்தப் படத்தில்தான் எந்த டயலாக்கையும் போட முடியவில்லை. எனக்கு, பாலாவிற்கு எல்லாம் ஆரம்பத்திலேயே புரிந்துவிட்டது. எந்த டயலாக்கையும் போட முடியாது என ஆனால் முனிஸ்காந்த் மட்டும் இறுதிவரை டயலாக்கை சேர்க்க முயற்சி செய்துகொண்டே இருந்தார்

என்று கூறினார்.

டான் படத்தின் ட்ரெய்லரை பார்க்கின்ற போது , சிவகார்த்திகேயனின் பள்ளி மற்றும் கல்லூரி கால வாழ்க்கையை மையமாக வைத்து கதை உருவாக்கப்பட்டுள்ளதாக தெரிகிறது. சரியான இலக்கை தீர்மானிக்க முடியாத சராசரி இளைஞனின் கல்லூரி வாழ்க்கையும், அதில் அவன் எதிர்கொள்ளும் சவால்களும், வாழ்க்கை குறித்த புரிதல்களும், காதல், காமெடியுடன் இந்தப் படத்தின் திரைக்கதை அமைக்கப்பட்டுள்ளது என யூகிக்க முடிகிறது படத்தில்சமுத்திரகனி, சிவகார்த்திகேயனின் தந்தையாகவும், எஸ்.ஜே.சூர்யா கல்லூரி பேராசியராகவும், ராதாரவி கல்லூரி முதல்வர் கதாபாத்திரத்திலும் நடித்துள்ளதை உணர முடிகிறது. ‘எனக்குள்ள என்ன திறமை இருக்குன்னு கண்டுபிடிச்சு வாழ்க்கைல பெரிய ஆள் ஆகணும்’ இந்த ஒற்றை வசனமே படத்தின் ஒன்லைன் என ஒட்டுமொத்த ட்ரெய்லரும் உணர்த்துகிறது.