தமிழ் சினிமாவில் முன்னணி தயாரிப்பு நிறுவனம் ஏ.வி.எம். புரடெக்ஷன்ஸ்1945ல் இருந்து பட தயாரிப்பில் இயங்கி வந்த ஏ.வி.எம். 2014க்குப் பிறகு சினிமா தயாரிப்பில் இருந்து விலகி இருந்தது. எட்டு வருடங்களுக்குப் பிறகு ஏ.வி.எம் நிறுவனம் மீண்டும் தயாரிப்பில் இறங்கியுள்ளது.
ஏ.வி.எம் நிறுவனம் தற்போது ‘தமிழ் ராக்கர்ஸ்’ என்ற வெப் சீரிஸை தயாரித்துள்ளதுஅருண்விஜய், வாணி போஜன், ஐஸ்வர்யா மேனன் நடித்திருக்கும் இந்த வெப் சீரிஸை அறிவழகன் இயக்கியிருக்கிறார். தற்போது இதன் டீசர் வெளியிடப்பட்டுள்ளது
சினிமாவுக்கு அச்சுறுத்தலாக இருந்து வருவதாக தயாரிப்பாளர்களால் குற்றம்சுமத்தப்பட்டுவரும் பைரசி இணைய தளமான தமிழ் ராக்கர்ஸ் பற்றிய கதையாக இந்த சீரிஸ் உருவாக்கப்பட்டுள்ளது. இதனை இயக்கியிருக்கும்
இயக்குநர் அறிவழகன் தமிழில் ஈரம்(2009), வல்லினம் (2014), ஆறாது சினம்(2016), குற்றம் 23 (2017) ஆகிய படங்களை இயக்கியுள்ளார். அவரது இயக்கத்தில் அருண் விஜய் நடித்துள்ள பார்டர் என்ற படம் உருவாகி வெளியீட்டுக்காக தயாராக உள்ளது.
இதில், குற்றம் 23, பார்டர் திரைப்படங்களில் அருண் விஜய் கதாநாயகனாகநடித்துள்ளார். அறிவழகன் – அருண் விஜய் கூட்டணி மூன்றாவது முறையாக இணைகிறது.
70 ஆண்டுகளுக்கும் மேலாக திரைப்பட துறையில் இயங்கிவரும் ஏ.வி.எம் நிறுவனத்தின் மூன்றாவது தலைமுறைவெப் சீரிஸ் தயாரிப்பில் ஈடுபட்டுள்ளது பாராட்டப்பட்டு வருகிறது.