ஐஸ்வர்யா ராஜேஷ் வெளியிட்ட ‘சிக்லெட்ஸ்’ பட முதல் பார்வை

தெலுங்கில் குழந்தை நட்சத்திரமாக அறிமுகமாகி, முன்னணி நட்சத்திர நடிகர்களான அல்லு அர்ஜுன், மகேஷ்பாபு, பிரபாஸ், வெங்கடேஷ் ஆகியோரின் படங்களில் நடித்து பிரபலமான நடிகர் சாத்விக் வர்மா, தமிழில் முதன்முறையாக கதையின் நாயகர்களில் ஒருவராக நடித்திருக்கும் ‘சிக்லெட்ஸ்’ படத்தின் முதல் பார்வை வெளியிடப்பட்டிருக்கிறது.இதனை நடிகை ஐஸ்வர்யா ராஜேஷ் தன்னுடைய இணைய பக்கத்தில் வெளியிட்டிருக்கிறார்.டீன்ஸ் டிராமா ஜானரில் தயாராகி இருக்கும் இந்தப் படத்தை எஸ்.எஸ்.பி.ஃபிலிம்ஸ் சார்பில் தயாரிப்பாளர் ஏ.ஸ்ரீனிவாசன் குரு   தயாரித்திருக்கிறார்.சாத்விக் வர்மா, ஜாக் ராபின்சன் இருவரும்  கதையின் நாயகர்களாகவும்நயன் கரிஷ்மா, அம்ரிதா ஹைதர், மஞ்சீரா ஆகியோர் கதையின் நாயகிகளாகவும் நடித்திருக்கிறார்கள்.இவர்களுடன் ஸ்ரீமன், மனோபாலா, சம்பத்ராம், சுரேகா வாணி, ஜானகி, மீனாள் உள்ளிட்ட பலரும் நடித்திருக்கிறார்கள்.கொளஞ்சி குமார் ஒளிப்பதிவு செய்திருக்கும் இந்த திரைப்படத்திற்கு ‘ஹர ஹர மகாதேவகி’, ‘இருட்டு அறையில் முரட்டு குத்து’ போன்ற திரைப்படங்களுக்கு இசையமைத்த பாலமுரளி பாலு இசையமைத்திருக்கிறார்.தெலுங்கில் ‘திறந்திடு சிசே’ எனும் படத்தை இயக்கியவருமான இயக்குநர் எம்.முத்து இந்தப் படத்தை இயக்கியிருக்கிறார்.இந்தப் படம் பற்றி இயக்குநர் முத்து கூறுகையில், ”2-கே கிட்ஸ் இளைஞர்களுக்கும், அவர்களுடைய பெற்றோர்களுக்கும் இடையே ஏற்படும் தலைமுறை இடைவெளியை மையப்படுத்தி இப்படத்தின் திரைக்கதை உருவாகியுள்ளது.இன்றைய இளைய தலைமுறையினர் காதல் குறித்தும், காமம் குறித்தும் கொண்டிருக்கும் எண்ணங்களுக்கும், இது தொடர்பாக அவர்களுடைய பெற்றோர்களின் நிலைப்பாட்டிற்கும் இடையே உள்ள கருத்தியல் இடைவெளியை சுவாரசியமான சம்பவங்களுடன் சிக்லெட்ஸில் விவரித்திருக்கிறோம்.இதனால்தான் இப்படத்தின் டைட்டிலுடன் ‘2-k கிட்ஸ்’ என்ற டேக் லேனையும் இடம் பெற வைத்திருக்கிறோம் என்றார்