தேசிங்கு பெரியசாமி இயக்கத்தில் ‘எஸ்டிஆர்48’ படத்தில் சிலம்பரசன் நடித்து வருகிறார். கமல்ஹாசன் நடித்து வரும் ‘தக் லைஃப்’ படத்தில் கெளரவ வேடத்தில் சிலம்பரசன் நடித்து முடித்துள்ளார். அடுத்ததாக அவர் ‘ஓ மை கடவுளே’ படத்தின் இயக்குநர் அஸ்வத் மாரிமுத்து இயக்கத்தில் நடிக்கிறார்.
இந்தப் படத்தை ஏஜிஎஸ் எண்டர்டெயின்மென்ட் சார்பில் அர்ச்சனா கல்பாத்தி தயாரிக்கிறார். படத்தின் தலைப்பு, மற்றும் நடிகர்கள் குறித்த தகவல்கள் எதுவும் இன்றி படத்தின் அறிவிப்பை நடிகர் சிலம்பரசன் போஸ்டர் ஒன்றின் மூலம்வெளியிட்டுள்ளார்.
போஸ்டர் எப்படி?
முன்னதாக தனது எக்ஸ் தள பக்கத்தில் பதிவிட்டிருந்த சிலம்பரசன், “தம் + மன்மதன் + வல்லவன் + விண்ணை தாண்டி வருவாயா, ஜென் ஸி மோட்” என தெரிவித்திருந்தார். அவர் கூறியது போலவே, கையில் கருப்பு ஒயரும், ‘தம்’ படத்தின் விரல் முத்திரையும், மற்றொரு கையில் கர்சீஃப் என 90’ஸ் கிட்ஸ்கள் பார்த்த சிலம்பரசன் தற்போதைய தலைமுறைக்கு ஏற்ற வகையில் மீண்டும் திரும்பியிருக்கிறார். பளிச்சிடும் போஸ்டரும், சிலம்பரசனின் தோற்றமும் பார்ப்பவர்கள் கவனத்தை ஈர்க்கிறது. “கட்டம் கட்டி கட்றோம்” என தனது x தள பதிவில் பதிவிட்டுள்ளார்.