கருடன், ஹிட்லிஸ்ட் அதிக திரையரங்குகளில் எந்தப் படம்?

இயக்குனர் விக்ரமன் மகன் கனிஷ்கா ஹீரோவாக அறிமுகமாகும் திரைப்படம் ஹிட்லிஸ்ட். இப்படத்தை கே.எஸ்.ரவிக்குமார் தயாரித்து உள்ளார். இப்படத்தில் கவுதம் மேனன் வில்லனாக நடித்திருக்கிறார்.

முகமது ஆசிஃப் ஹமீது இயக்கியுள்ள திரைப்படம் அக்காலி. இப்படத்தில் தலைவாசல் விஜய், நாசர், ஸ்வயம் சித்தா, வினோத் கிஷான் என மிகப்பெரிய நட்சத்திர பட்டாளமே நடித்துள்ளது.

சூரிகதாநாயகனாக நடித்து வெளியாகவிருக்கும் இரண்டாவது படம் கருடன்.இப்படத்தில் சூரியுடன் சசிகுமார், உன்னி முகுந்தன் ஆகியோர் முக்கிய வேடங்களில் நடித்திருக்கிறார்கள்.‌ இவர்களுடன் சமுத்திரக்கனி, ரேவதி சர்மா, ஷிவதா நாயர், மைம் கோபி, மொட்டை ராஜேந்திரன் உள்ளிட்ட பலர் நடித்திருக்கிறார்கள்.

இப்படத்துக்கு இயக்குநர் வெற்றிமாறன் கதை எழுதியிருக்கிறார்.இயக்குநர் ஆர்.எஸ்.துரை செந்தில்குமார் இயக்கியுள்ளார். யுவன் சங்கர் ராஜா இசையமைத்திருக்கிறார்.

மற்றும் பூமரக் காத்து, குற்றப் பின்ணனி, புஜ்ஜி என ஆறு நேரடி தமிழ்படங்கள் நாளை வெளியாகும் என அறிவிக்கப்பட்டுள்ளது.

இத்திரைப்படங்களில் அதிகமான திரையரங்குகளில் கருடன் திரைப்படம் திரையிட ஒப்பந்தம் செய்யப்பட்டிருப்பதால் பிற திரைப்படங்களுக்கு திரையரங்குகள் குறைவாகவும், மற்றும் சில படங்களுக்கு காட்சிகள் ஒதுக்கீடு அடிப்படையில் திரையரங்குகள் ஒதுக்கீடு செய்யப்பட்டுள்ளன. வெளியாகவுள்ள ஆறு தமிழ்படங்களில் நட்சத்திர அந்தஸ்து உள்ள ஒரேபடம் கருடன்

சூரிகதாநாயகனாக நடித்த முதல்படம் விடுதலை.அதில் விஜய்சேதுபதி சிறப்புத்தோற்றம், இளையராஜா இசை இயக்கம் வெற்றிமாறன்எனப் பல சாதகமான அம்சங்கள் இருந்தன.அந்தப்படம் பெரிய வெற்றி பெற்றது.
அதேபோல் இந்தப்படத்திலும் கதை வெற்றிமாறன் , இயக்குநரும்

நடிகருமான சசிகுமார், மலையாளத்தில் புகழ்பெற்ற உன்னிமுகுந்தன் ஆகியோர் நடித்திருப்பதோடு யுவன் சங்கர் ராஜா இசையமைத்திருப்பதால் படத்திற்கான எதிர்பார்ப்பு அதிகரித்திருக்கிறது. இதன் காரணமாகவே தமிழ்நாட்டில் உள்ள 1100 திரைகளில் 500 திரைகள் கருடன் படத்திற்கு ஒதுக்கப்பட்டு உள்ளது