கேன்ஸ் திரைப்பட விழாவில்பிம்பிளிக்கி பிலாப்பி

ஏகே புரொடக்ஷன்ஸ்  தளபதி ஆர். ஆனந்தகுமார், ஜியாஸ் புரொடக்ஷன்ஸ் ஜெசிலன் பாலன் தயாரிப்பில் அறிமுக இயக்குநர் ஆண்டனி இயக்கத்தில் புதுமுகங்கள் நடிப்பில்  உருவாகியுள்ள ‘பிம்பிளிக்கி பிலாப்பி’ திரைப்படத்தின் டீஸர் தற்போது பிரான்ஸ் நாட்டில் நடைபெற்று வரும் கேன்ஸ்சர்வதேச திரைப்பட விழாவில் திரையிடப்பட்டுள்ளதுகேன்ஸ் பட விழாவில் திரையிடப்பட்ட ‘பிம்பிளிக்கி பிலாப்பி’ டீசரை பார்த்த உலகெங்கிலும் இருந்து வந்திருந்த இயக்குநர்கள், கலைஞர்கள் உள்ளிட்ட திரைத்துறையினர்  வெகுவாக பாராட்டினர். ஹாரர்-டார்க் காமெடி படமாக உருவாகியுள்ள ‘பிம்பிளிக்கி பிலாப்பி’ பிரான்ஸ் நாட்டில் நடைபெறும் 2,000 கோடி வரை பரிசாக வெல்லக் கூடிய லாட்டரி முறையை மையமாக வைத்து எடுக்கப்பட்டுள்ளது. இந்த லாட்டரி சீட்டை தேடி செல்லும் கும்பல் ஒரு சைக்கோ கொலைகாரனிடம் மாட்டிக்கொள்கிறது. அதன் பின்னர் என்ன ஆகிறது என்பதே படத்தின் மையக்கதை. இயக்குநராக அறிமுகமாகும் ஆண்டனி ‘எல்ஸா’ என்கிற பிரெஞ்சு குறும்படத்தை இயக்கியுள்ளார். ‘பிம்பிளிக்கி பிலாப்பி’ முதன்மை கதாபாத்திரங்களில் புதுமுகங்கள் நடித்துள்ளனர். கதாநாயகர்களாக வெங்காராஜ், ராஜேந்திரன், கதாநாயகிகளாக நர்மதா, ஆன் சாமுவேல் ஆகியோர் நடித்துள்ளனர். ஆண்டனி படத்தின் வில்லனாக நடித்துள்ளார். தியரி, கிருஷ்ணகாந்த், ஜீவா ஆகியோர் முக்கிய வேடங்களில் நடித்துள்ளனர். ஆப்பிரிக்கா நாட்டை சேர்ந்த குவாகு என்பவர் தமிழில் பேசி நடித்துள்ளார். இப்படம் விரைவில் வெளியாகவுள்ளதாக படக்குழுவினர் தெரிவித்துள்ளனர்.