கேம் சேஞ்சர் நஷ்டத்தில் பங்கேற்கும் கதாநாயகன் ராம் சரண்

கேம் சேஞ்சர்’ படத்தால் ஏற்பட்ட நஷ்டத்தை சரிகட்டும் வகையில் தில் ராஜு தயாரிப்பில் படமொன்றில் நடிக்க கால்ஷீட் கொடுக்க படத்தின் நாயகன்ராம் சரண் முடிவு செய்துள்ளதாக தகவல் வெளியாகியுள்ளது.

தில் ராஜு தயாரிப்பில் ஷங்கர் இயக்கத்தில் ஜனவரி 10 ஆம் தேதி வெளியான ‘கேம் சேஞ்சர்’ படம்விமர்சன ரீதியாகவும், வசூல் ரீதியாகவும் தோல்விப் படமாக  அமைந்தது. மேலும், முதல் நாள் வசூல் 186 கோடி ரூபாய் என்று படக்குழு வெளியிட்ட போஸ்டரும் இணையத்தில் கடுமையாக கிண்டல் செய்யப்பட்டது. தெலுங்கு திரையுலகின் சமீபத்திய படங்களில் பெரும் நஷ்டத்தைக் கொடுத்த படம் என்ற பெயரை ‘கேம் சேஞ்சர்’ எடுத்துள்ளது.