கேரள முதல்வர் கதாபாத்திரத்தில் நடிக்கும் டோவினோ தாமஸ்

விதவிதமான கதாபாத்திரத்தை தேர்வு செய்து நடித்து வருகிறார். இவருக்கு  மலையாளத்தில் மட்டுமில்லாமல், தமிழ் மற்றும் பிற மொழிகளிலும் ரசிகர்கள் இருக்கிறார்கள்.

மலையாள நடிகர் பிரித்விராஜ் சுகுமாறன் இயக்கத்தில் கடந்த 2019-ம் ஆண்டு வெளியான திரைப்படம் ‘லூசிபர்’. இந்த படத்தின் மூலம் பிரித்விராஜ் இயக்குனராக அறிமுகமானார். மோகன்லால் கதாநாயகனாக நடித்திருந்தார். இந்த படத்தில் நடிகர் டோவினோ தாமஸ் கேரள முதல்-மந்திரியின் மகனாக ஜித்தின் ராமதாஸ் என்ற கதாபாத்திரத்தில் நடித்து ரசிகர்களின் கவனத்தை ஈர்த்தார். இப்படம் ரசிகர்களிடையே நல்ல வரவேற்பை பெற்றது.தற்போது இந்த படத்தின் 2-ம் பாகம் தயாராகி வருகிறது. இந்த படத்திற்கு ‘எல் 2 எம்புரான்’ என பெயரிடப்பட்டுள்ளது. இந்த படத்தின் படப்பிடிப்பு கொச்சியில் நடைபெற்று வருகிறது. இந்த நிலையில், நடிகர் டோவினோ தாமஸ் இரண்டாம் பாகத்தில் கேரள மாநிலத்தின் இளம் முதல்-மந்திரியாக நடித்துக் கொண்டிருப்பதாக தகவல் வெளியாகி உள்ளது.சமீபத்தில் டோவினோ தாமஸ் நடிப்பில் வெளியான ‘ஏ.ஆர்.எம்’ படம் மிகப்பெரிய வரவேற்பை பெற்றது. அதே சமயத்தில் ரூ.100 கோடிக்கும் மேல் வசூலித்து ஆச்சரியப்படுத்தியது குறிப்பிடத்தக்கது.