ஜெயம் ரவி இயக்கத்தில்யோகி பாபு நடிக்கும் படத்தின் கதை?

தமிழ் சினிமாவில் வணிக மதிப்புள்ள நடிகர்  ஜெயம் ரவி தான் நடிகராக அறிமுகமான முதல் படமான ஜெயம் படத்தில் இருந்து  வித்தியாசமான கதைகளை தேர்ந்தெடுத்து நடித்து வருகிறார்.’ஜீனி, காதலிக்க நேரமில்லை, பிரதர்’ போன்ற படங்களில் நடித்து முடித்துள்ளார். இதில் ‘பிரதர்’ திரைப்படம் வருகிற தீபாவளி பண்டிகையன்று வெளியாக உள்ளது.சமீபத்தில் தனக்கு திரைப்படங்களை இயக்குவதில் ஆர்வம் இருப்பதாக ஜெயம் ரவி பேட்டி ஒன்றில்  தெரிவித்திருந்தார். தற்போது அவர் ஒரு படத்தை இயக்க இருப்பதாகவும் இந்த படத்தில் யோகி பாபு நாயகனாக நடிக்க இருப்பதாகவும் தகவல்கள் வெளியாகியுள்ளன. முன்னதாக ‘கோமாளி’ படத்தில் ஜெயம் ரவி மற்றும் யோகி பாபு இருவரும் இணைந்து நடித்திருந்தார்கள். இந்த படம் நல்ல வரவேற்பை பெற்றது.தற்போதுஜெயம் ரவி தனது 34-வது படமான “ஜெ.ஆர் 34” என்ற படத்தில் நடிக்க உள்ளார். இந்த படத்தை ஸ்கிரீன் சீன் மீடியா நிறுவனம் தயாரிக்க ‘டாடா’ பட இயக்குனர் கணேஷ் கே பாபு இயக்குவதாகவும் தெரிவிக்கப்பட்டுள்ளது. இந்த படத்தின் படப்பிடிப்பு நிறைவடைந்தவுடன் யோகி பாபு நடிக்கும்  படத்தை இயக்குவார் என்று எதிர்பார்க்கப்படுகிறது. குறிப்பாக தனிப்பட்ட வாழ்க்கையில் ஜெயம் ரவி எதிர்கொண்ட சவால்களை ஒரு நகைச்சுவையான பேமிலி என்டர்டெயினர் படமாக இந்த படத்தில் கொடுப்பாரா என்ற எதிர்பார்ப்பு உருவாகியுள்ளது. இது குறித்த அதிகாரபூர்வ தகவல் விரைவில் வெளியாக உள்ளது.