தக் லைஃப் தள்ளிப் போவது ஏன்?

மணிரத்னம் இயக்கத்தில் கமல்ஹாசன் நடித்துக் கொண்டிருக்கும் படம் தக் லைஃப்.இப்படத்தில் சிலம்பரசன், த்ரிஷா, கௌதம் கார்த்திக், ஜோஜு ஜார்ஜ், ஐஸ்வர்யா லக்‌ஷ்மி, அபிராமி, நாசர் உள்ளிட்ட பலர் முக்கிய கதாபாத்திரங்களில் நடித்துள்ளனர். ராஜ்கமல் மற்றும் மெட்ராஸ் டாக்கீஸ் நிறுவனங்கள் இணைந்து தயாரிக்கும் இப்படத்தை கமலுடன் இணைந்து ரெட் ஜெயண்ட் நிறுவனம் வழங்குகிறது.

இப்படத்திற்கு ஏ.ஆர்.ரகுமான் இசையமைத்து வருகிறார்.

இப்படத்தின் பெயர் அறிவிப்பு கடந்த வருடம் கமல்ஹாசனின் பிறந்தநாளான நவம்பர் 7 ஆம் தேதி வெளியானது.

இப்படத்தின் படப்பிடிப்பு செர்பியா, அயர்லாந்து, ராஜஸ்தான், டெல்லி, கோவா, சென்னை உள்ளிட்ட பல்வேறு பகுதிகளில் நடைபெற்றுது.படப்பிடிப்பு முழுமையாக முடிவடைந்துவிட்டதாக அறிவிக்கப்பட்டது.ஆனால் கமல்ஹாசன் நடிக்க வேண்டிய காட்சிகள் மட்டுமே முழுமையாகப் படமாக்கப்பட்டுள்ளன என்றும் ஒரு பாடல் உட்பட பல காட்சிகளின் படப்பிடிப்பு நடக்க வேண்டியிருக்கிறது என்று கூறப்படுகிறது.

இந்த நிலையில் கமல்ஹாசனின் பிறந்தநாளான நேற்றுபடத்தின் வெளியீட்டுத் தேதி அறிவிக்கப்பட்டுள்ளது.அதன்படி இப்படம் 2025 ஆம் ஆண்டு ஜூன் 5 ஆம் தேதி வெளியாகும் எனத் தெரிவிக்கப்பட்டுள்ளது.

இந்த வருடம் இறுதிக்குள் வெளியாகும் என்கிற முந்தைய அறிவிப்பையும் அடுத்த ஆண்டு தொடக்கத்தில் பொங்கல் நாளில் இப்படம் வெளியாகும் என்று ஊடகங்கள் வெளியிட்டு வந்த செய்திகள் பொய்யாக்கியுள்ளது