மின்னும் மினிக்கி மினிக்கி 100 மில்லியனை கடந்து சாதனை

தமிழ் சினிமாவில் 2024 ஆம் ஆண்டு வெளியான பாடல்களில் மிகக் குறைந்த அளவிலான பாடல்களே யுடியூப் தளத்தில் 100 மில்லியன் பார்வைகளைப் பெற்றது.

‘அரண்மனை 4’ படத்தில் இடம் பெற்ற ‘அச்சோ அச்சோ’, ‘ராயன்’ படத்தில் இடம் பெற்ற ‘வாட்டர் பாக்கெட்’, ‘வேட்டையன்’ படத்தில் இடம் பெற்ற ‘மனசிலாயோ’ ஆகிய மூன்றே பாடல்கள் மட்டுமே 100 மில்லியன் பார்வைகளைக் கடந்தன.

தற்போது ‘தங்கலான்’ படத்தில் இடம் பெற்ற ‘மினிக்கி மினிக்கி’ பாடல் 100 மில்லியன் பார்வைகளைக் கடந்துள்ளது. ஜிவி பிரகாஷ் இசையில் கடந்த ஆண்டில் வெளிவந்த பாடல்களில் ‘தங்கலான்’ படம் முக்கியமான படமாக அமைந்தது. இந்தப் பாடல் வெளியான போதே சூப்பர் ஹிட் வரிசையில் சேர்ந்துவிட்டது.

ஜிவியின் இசையில் இந்த மாதம் 21ம் தேதி வெளிவர உள்ள ‘நிலவுக்கு என்மேல் என்னடி கோபம்’ படத்தில் இடம் பெற்றுள்ள ‘கோல்டன் ஸ்பாரோ’ பாடல் ஏற்கெனவே 145 மில்லியன் பார்வைகளைக் கடந்து சூப்பர் ஹிட்டாகி உள்ளது. அதற்கடுத்து ‘தங்கலான்’ பாடலான ‘மினிக்கி’ இப்போது 100 மில்லியனைக் கடந்துள்ளது.”