மனுஷி படத்துக்கு தணிக்கை சான்றிதழ் வழங்க நீதிமன்றம் உத்திரவு
நடிகை ஆன்ட்ரியா நடித்துள்ள மனுஷி திரைப்படத்தை, இயக்குநர் வெற்றிமாறனின் கிராஸ் ரூட் ஃபிலிம் கம்பெனி தயாரித்துள்ளது. படத்தை இயக்குநர் கோபி நயினார் இயக்கியுள்ளார். படத்துக்குஇளையராஜா இசையமைத்துள்ளார். இந்தப் படத்தில் 37 ஆட்சேபகரமான காட்சிகளும், வசனங்களும் இடம்பெற்றுள்ளதாகக் கூறி, தணிக்கை சான்றிதழ் வழங்கசென்சார் போர்டு மறுத்தது. இதை எதிர்த்து பட தயாரிப்பாளர் வெற்றிமாறன் சென்னை உயர் நீதிமன்றத்தில் மனு தாக்கல் செய்திருந்தார்.
வழக்கை விசாரித்த நீதிபதி
சென்சார் போர்டு நீக்க வேண்டும் என்று பரிந்துரைத்த சில காட்சிகளை நீக்க வேண்டாம் எனவும், சில காட்சிகளை மாற்றியமைக்க வேண்டும் எனவும் உத்தரவிட்ட நீதிபதி, சில காட்சிகள், வசனங்களை நீக்கி, மாற்றியமைத்து 2 வாரங்களில் சென்சார் போர்டுக்கு மீண்டும் விண்ணப்பிக்க வேண்டும் என்றும், சென்சார் போர்டு இரண்டு வாரங்களில் உரிய சான்றிதழை வழங்க வேண்டும் என்று உத்தரவிட்டு வழக்கை முடித்து வைத்தார்.