நாயகன் சரண் சக்தியும் அவருடைய நண்பர் பாலசரவணனும் கடத்தல்காரர் ஜேடி.சக்ரவர்த்தியிடம் வேலைக்குச்சேருகிறார்கள்.
ஒருகட்டத்தில் அவரது பொறுப்பில் இருக்கும் பெரும் மதிப்பிலான போதை பொருளை இவர்கள் எடுத்துவிடுகிறார்கள்.அதனால் ஜேடி.சக்ரவர்த்திக்கு பெரும் சிக்கல்.அதனால் கொலைவெறியோடு கிளம்புகிறார்.இன்னொரு பக்கம்,நாயகன் காதலித்து திருமணம் செய்த நாயகி சிமேகாவுக்கும் சிக்கல்.இவற்றின் முடிவென்ன? என்பதை பரபரப்பாகச் சொல்லியிருக்கிறது படம்.
வறுமையில் வாடும் இளைஞன்,சட்டத்துக்குப் புறம்பான வேலைக்காரன்,காதலன்,காதல் கணவன் ஆகிய பல்வேறு வகைகளைக் கொண்ட கதாபாத்திரத்தை ஏற்று நடித்திருக்கும் நாயகன் சரண் சக்தி,எல்லா இடங்களிலும் பொருத்தமாக நடித்து வரவேற்புப் பெறுகிறார்.
நாயகியாக சிமேகா,நாயகன் மீதான காதல்,அண்ணனை எதிர்த்து திருமணம்,மாமியாரோடு உரசல்,காதல் கணவன் செய்த தப்பால் ஏற்படும் சிக்கலை எதிர்கொள்ளும் விதம் ஆகியனவற்றில் இயல்பாக நடித்திருக்கிறார்.
பாலசரவணனின் கதாபாத்திரம் சுவையானது.அதை நன்றாகச் செய்திருக்கிறார்.நாயகனின் அம்மாவாக நடித்திருக்கும் ராதிகா வழக்கம் போல தனது கதாபாத்திரத்தை சிறப்பாக செய்திருக்கின்றார்.
எதிர்மறை வேடங்களில் ஜேடி.சக்ரவர்த்தி,லால் ஆகியோர் நடித்திருக்கிறார்கள்.அவர்களால் அந்தக் கதாபாத்திரங்கள் உயிர்ப்புடன் இருக்கின்றன.
முகவராக நடித்திருக்கும் காளிவெங்கட்,சுங்கத்துறை அதிகாரியாக நடித்திருக்கும் நிஜ அதிகாரியும் படத்தின் இயக்குநருமான முரளி ஆகியோர் நடிப்பும் நன்று.
ஒளிப்பதிவாளர் கவின் பாஸ்கருக்கு நல்வாய்ப்பான கதைக்களம் அமைந்திருக்கிறது.அதில் தன் திறமையை முழுமையாக பயன்படுத்தியிருக்கிறார்.
சாம் டேனியல் இசையமைத்திருக்கிறார்.பாடல்கள் கேட்கலாம்.பின்னணி இசை திரைக்கதையின் வேகத்துக்கு வேகம் சேர்த்திருக்கிறது.
படத்தொகுப்பாளர் ஸ்ரீ வத்சன்,திரைக்கதையில் இருக்கும் பல்வேறு திருப்பங்களையும் குழப்பமின்றி வெளிப்படுத்தியிருக்கிறார்.நிறை
நிஜ சுங்கத்துறை அதிகாரியான சமயமுரளி,எழுதி இயக்கியிருக்கிறார்.அதனால்,அந்
அவ்வளவு உண்மைகளோடு பாசம்,நேசம்,காதல்,பணிவு,துணிவு