பாபா படத்தை எதிர்த்தபா.ம.க அன்புமணி மகள் படத்திற்கு ரஜினிக்கு அழைப்பு

இதற்கு பதிலடி தரும் வகையில், 2004 லோக்சபா தேர்தலில், தி.மு.க., கூட்டணியில், 6 தொகுதிகளில் போட்டியிட்ட பா.ம.க., வேட்பாளர்களுக்கு எதிராக, ரஜினிகாந்த்ரசிகர்கள் தேர்தல் வேலை பார்த்தனர். பா.ம.க.,வுக்கு எதிராக ஓட்டு போடுமாறு, ரசிகர்களுக்கு ரஜினிகாந்த் வேண்டுகோள் விடுத்தார்.

இந்நிலையில், சென்னை, போயஸ் தோட்டத்தில் உள்ள வீட்டில்,  ரஜினியை, பா.ம.க., தலைவர் அன்புமணியின் மகள் சங்கமித்ரா சந்தித்தார். இந்த சந்திப்பின்போது, சங்கமித்ரா தயாரித்துள்ள, அலங்கு படத்தின் முன்னோட்ட காட்சிகள், ரஜினிகாந்துக்கு காட்டப்பட்டது. படக் குழுவினரை ரஜினிகாந்த் பாராட்டினார். இந்த படம், வரும் 27ம் தேதி வெளியாக உள்ள நிலையில், வெற்றி பெற தன் வாழ்த்துகளையும் ரஜினிகாந்த் தெரிவித்துள்ளார். மேலும், அலங்கு படத்தை ரஜினிகாந்த் வெளியிட வேண்டும் என்றும் சங்கமித்ரா அழைப்பு விடுத்துள்ளார்.
இது குறித்து, தமிழக காங்கிரஸ் துணை தலைவர் வாழப்பாடி ராமசுகந்தன் வெளியிட்டுள்ள அறிக்கையில், ‘அன்று, பாபா படத்தை வெளியிடாமல், பா.ம.க.,வினர் பிரச்சினை உண்டாக்கியபோது, ரஜினிகாந்த்தை நானும், வன்னியர் சங்கத் தலைவர்கள் ஏ.கே.நடராஜன், தீரன் போன்றவர்கள் சந்தித்து ஆதரவு அளித்தோம். ‘இன்று, அதே பா.ம.க.,வினர் ரஜினிகாந்த்தை சந்தித்து, அவர்களின்குடும்பம் தயாரிக்கும் படத்தை வெளியிட அழைத்துள்ளனர். வாழ்க்கை ஒரு வட்டம்’ என கூறியுள்ளார்.