ரஜினிகாந்தை நக்கலடித்த சூர்யா,கங்குவா தேதி மாற்றம்

கோவையில் கொடிசியா அரங்கில் நேற்று மாலைநடைபெற்ற ‘மெய்யழகன்’ பட இசை வெளியீட்டு விழாவில் பங்கேற்று பேசிய நடிகர் சூர்யா பேசுகிற போது “ரஜினிகாந்த் நடித்துள்ள ‘வேட்டையன்’ படத்திற்காக ‘கங்குவா’ படத்தின் ரிலீஸ் தள்ளி வைக்கப்படுகிறது. மூத்தவர், சினிமாவின் அடையாளம், 50 ஆண்டுகளாக நடித்து வருகிறார் என்பதால் ரஜினிகாந்த் படத்திற்கு வழிவிடுவோம்என கூறியவர் மேலும் கூறியதாவது’கங்குவா’ ஒரு குழந்தை. அதை நீங்கள் பார்த்துக் கொள்வீர்கள். ‘கங்குவா’ படத்தின் புதிய ரிலீஸ் தேதி விரைவில் அறிவிக்கப்படும்” என்று அவர் கூறினார். அக்டோபர் 10 ஆம் தேதி கங்குவா வெளியாகும் என அறிவித்த பின் சில வாரங்கள் கழித்து வேட்டையன் ரிலீஸ் தேதி அறிவிக்கப்பட்டது. இருந்த போதிலும் வேட்டையன்  படத்துடன் நேரடியாக கங்குவா படத்தை களமிறங்குவது என்பதில் உறுதியாக சூர்யா தரப்பு இருந்தது. திரைப்பட விநியோகஸ்தர்கள், திரையரங்க உரிமையாளர்கள் இரண்டு பெரிய படங்கள் ஒரே நாளில் வெளியாகும்போது திரையரங்குகள் ஒதுக்கீட்டில் நெருக்கடி ஏற்படும் என்பதை கங்குவா பட தயாரிப்பாளர், சூர்யா தரப்பிடம் வலியுறுத்தியதன் அடிப்படையில் கங்குவா படத்தின் வெளியீட்டு தேதியை மாறுதல் செய்துள்ளது  படக்குழு.

ரஜினிகாந்த் நடித்துள்ள ‘வேட்டையன்’ படத்திற்காக ‘கங்குவா’ படத்தின் ரிலீஸ் தள்ளி வைக்கப்படுகிறது. மூத்தவர், சினிமாவின் அடையாளம், 50 ஆண்டுகளாக நடித்து வருகிறார் என்பதால் ரஜினிகாந்த் படத்திற்கு வழிவிடுவோம் என சூர்யா குறிப்பிட்டது பெருந்தன்மையா, வஞ்சப்புகழ்ச்சியா என்பதே திரையுலகினர் மத்தியில் விவாத பொருளாக மாறியுள்ளது.

– இராமானுஜம்