வாஜ்பாய் வரலாறு படமாகிறது

இந்திய நாட்டின் பிரதமராக மூன்று முறைஇருந்த மறைந்தஅடல் பிஹாரி வாஜ்பாயியின் வாழ்க்கையை மையமாகக் கொண்ட பயோபிக் திரைப்படம் உருவாக்கப்பட உள்ளதாக அறிவிப்பு வெளியாகியுள்ளது.
இந்த அறிவிப்பை படத்தை இணைந்து தயாரிக்க உள்ள வினோத் பானுஷாலி மற்றும் சந்தீப் சிங் வெளியிட்டுள்ளனர்.‘அடல்’ என வரும் 2023 கிறிஸ்துமஸ் நாளன்று இந்தப் படம் வெளியாகும் எனத் த கூறப்பட்டுள்ளதுஅன்றைய தினம் வாஜ்பாயின் 99-வது பிறந்த நாள், அதனை முன்னிட்டு இந்தப் படம் வெளியாகும் எனத் தெரிகிறது.இதில் அவரது பால்ய காலம், கல்லூரி நாட்கள் மற்றும் அரசியல் பிரவேஷம்குறித்து விவரிக்கப்படலாம் எனத் தெரிகிறது. இந்திய அரசில்பாஜகவின் முதல்  பிரதமராக பதவி வகித்தவர்வாஜ்பாய்.
கடந்த 1924, டிசம்பர் 25-ஆம் தேதி அன்று பிறந்தவர். மத்தியப் பிரதேசத்தின் குவாலியரை சேர்ந்தவர். முதுகலை பட்டம் முடித்தவர். தான் சார்ந்த கட்சியின் கொள்கையை தீவிரமாக பின்பற்றி வந்தவர்.பாஜகவின் முதல் தலைவர், மூன்று முறை பிரதமராக செயலாற்றியவர். பொக்ரான் – II அணுகுண்டு சோதனை மற்றும் கார்கில் யுத்தம் இவரது ஆட்சி காலத்தில் நடந்தது. கடந்த 2002-இல் முன்னாள் குடியரசுத் தலைவராக அப்துல் கலாம் தேர்வு செய்யப்பட்டதும் இவரது பதவி காலத்தில்தான். பாரத ரத்னா விருதை பெற்றவர். கடந்த 2018, ஆகஸ்ட் 16 அன்று அவர் காலமானார்.