தலைவர் தம்பி தலைமையில் வெற்றி விழாவில் ஜீவா நெகிழ்ச்சி

மலையாளத்தில் பெரும் வரவேற்பைப் பெற்ற ‘பேலிமி’ படத்தின் இயக்குநர் நிதிஷ் சகாதேவ் இயக்கத்தில் தமிழில் வெளியான படம்தான், ‘தலைவர் தம்பி தலைமையில்’. இப்படத்தில் ஜீவாவுடன் தம்பி ராமையா, இளவரசு, பிரார்த்தனா உள்ளிட்டோர் நடித்துள்ளனர். ஜனவரி 15 ஆம் தேதி பொங்கல் வெளியீடாக திரையரங்குகளில் வெளியானது. சிவகார்த்திகேயன் நடிப்பில் பராசக்தி, கார்த்தி நடித்துள்ள வாவாத்தியார் என இரண்டு மெகாபட் ஜெட் படங்கள் வெளியாகியிருந்த நிலையில் விஜய் நடித்துள்ள ஜனநாயகன் ரிலீஸ் தள்ளிப்போனதால் திடீர் என தலைவர் தம்பி தலைமையில் படத்தை தயாரிப்பாளர் வெளியிட்டார். முந்தைய இரண்டு படங்களும் வசூலில் தடுமாறிய நிலையில் தலைவர் தம்பி தலைமையில் படம் முதல் நாள் வசூல் குறைவாக இருந்த போதும் அடுத்தடுத்த நாட்களில் திரையரங்குகளில் படம் பார்க்க மக்கள் கூட்டம் பொங்கி வழிந்தது. பொங்கல் திரைப்படங்களில் குறைவான பட்ஜெட்டில்(6 கோடி) தயாரிக்கப்பட்ட இந்த படம் திரையரங்குகளில்முதலீட்டை போன்று ஏழு மடங்கு மொத்த வசூல் செய்து இந்த ஆண்டில் முதல் வெற்றி படமாக முத்திரை பதித்தது. இந்த வெற்றியை கொண்டாடும் வகையில் சென்னையில் பிரம்மாண்டமான விழா ஒன்றினை நடத்தினார்கள்.