விக்னேஷ் சிவன் வீம்பால் தடுமாறுகிறதா எல்.ஐ.கே

அதன்பின் அக்டோபர் 17ஆம் தேதி வெளியாகும் என்று அறிவித்தனர்.
அடுத்து, டிசம்பர் 18 ஆம் தேதி வெளியாகும் என்று அறிவித்தனர் ஆனால், மேற்குறிப்பிட்ட மூன்று தேதிகளிலும் அந்தப்படம் வெளியாகவில்லை. என்பதுடன் அதனையும் முன்கூட்டியே தெரிவிக்காமல் கடைசி நாள் வரை காலதாமதம் செய்து ரிலீஸ் இல்லை என்பதை அறிவித்து பிற தயாரிப்பாளர்களின் பட வெளியீட்டை தடுத்தார்கள்.கடந்த சில நாட்களாக இப்படம் பிப்ரவரி 12 அன்று வெளியாகும் என்கிற தகவல் கசியவிடப்பட்டது.அதை நம்பி, அந்தத் தேதியில் வெளியாகவிருந்த சில படங்கள் வேறு வெளியீட்டுத் தேதிக்கு மாறிக்கொண்டிருக்கின்றனர்.ஆனால்,அந்தத் தேதியில் படம் வராது என்று வியாபார வட்டாரத்தில் கூறுகின்றனர். என்ன காரணம் என கேட்டால்” படம் வியாபாரம் மற்றும் வெளியீடு தொடர்பாக, தயாரிப்பாளர் லலித்குமாருக்கும் இயக்குநர் விக்னேஷ்சிவனுக்கும் ஏற்பட்ட கருத்து வேறுபாடு முடிவுக்கு வராமல் அப்படியே தொடர்ந்து இருந்து வருகிறது.அதனால்,படத்தை வெளியிடுவதற்குத் தேவையான பணம் சம்பந்தப்பட்ட சிக்கல் அப்படியே தொடருகிறது.எனவே, அந்தத் தேதியில் படம் வராது என்று சொல்லப்படுகிறது.

இந்தச் சிக்கலில் நல்லமுடிவு எட்டப்பட்டிருந்தால் தயாரிப்பாளர் லலித்குமார் சார்பிலேயே வெளியீட்டுத் தேதி அறிவிக்கப்பட்டு விளம்பரப்படுத்தும் வேலைகளை தொடங்கியிருப்பார்கள் முடிவு எடுக்கப்படவில்லை என்பதாலேயே அதிகாரப்பூர்வு அறிவிப்பு எதுவும் வரவில்லை என்கிறார்கள்.

இன்னொரு பக்கம், இந்தப்படத்தின் தயாரிப்பாளர் லலித்குமார், தன் மகனை நாயகனாக்கி எடுத்த

சிறை படம் பெரிய வெற்றியைப் பெற்றிருக்கிறது.அந்தத் தெம்போடு அடுத்தபடத்தையும் அறிவித்து அதன் வேலைகளும் வேகமாக நடந்துகொண்டிருக்கின்றன. அதனால்எல் ஐ கே படத்துக்காக பொறுப்பெடுக்க மாட்டார் என்று சொல்லப்படுகிறது.அதனால் எல் ஐ கே படத்தை வெளியிடும் மொத்தப் பொறுப்பும் விக்னேஷ்சிவனின் தலையில்தான் இருக்கிறது என்கிறார்கள்.