பொங்கல் போட்டியில் களமிறங்கும்’ ‘விஜய் சேதுபதியின்பாக்கெட் நாவல்’
‘ஆரண்ய காண்டம்’, ‘சூப்பர் டீலக்ஸ்’ ஆகிய திரைப்படங்களை இயக்கிய தியாகராஜன் குமாரராஜாவின் அடுத்த திரைப்படம் ‘பாக்கெட் நாவல்’.
2019-ஆம் ஆண்டு வெளியான ‘சூப்பர் டீலக்ஸ்’ படத்தில் விஜய் சேதுபதி ஏற்று நடித்த ஷில்பா கதாபாத்திரம் பெரும் வரவேற்பைப் பெற்றது. இந்த நடிப்புக்காக அவருக்கு சிறந்த துணை நடிகருக்கான தேசிய திரைப்பட விருதும் கிடைத்தது. அந்தப் படத்துக்குப் பிறகு விஜய் சேதுபதியும் தியாகராஜன் குமாரராஜாவும் மீண்டும் ‘பாக்கெட் நாவல்’ திரைப்படத்தில் இணைந்துள்ளனர்.
இந்தப் படத்தில் மாளவிகா மோகனன், ராஜ் பி. ஷெட்டி, கிஷோர் உள்ளிட்டோர் முக்கிய கதாபாத்திரங்களில் நடித்துள்ளனர். படத்துக்கு நிரவ் ஷா ஒளிப்பதிவு செய்துள்ளார். பாடல்களை யுகபாரதி எழுதியுள்ளார். சண்டைக் காட்சிகளை திலீப் சுப்பராயன் அமைத்துள்ளார்.
‘பாக்கெட் நாவல்’ திரைப்படத்துக்கு முதலில் இசையமைப்பாளர் இளையராஜா இசையமைப்பதாக அறிவிக்கப்பட்டிருந்தது. பின்னர் அவருக்குப் பதிலாக ஜி.வி.பிரகாஷ் இசையமைப்பாளராக இணைந்ததாகத் தகவல்கள் வெளியாகின. இசையமைப்பாளர் மாற்றத்திற்கான காரணம் குறித்து படக்குழு விரிவான விளக்கம் அளிக்கவில்லை.