ஹபீபி என்ற அரபு சொல்லுக்கு அன்பே, பிரியமே என்று பொருள் கொள்ளலாம். இந்த பெயரில் இஸ்லாமிய மக்களின் வாழ்க்கை பற்றி திரைப்படம் ஒன்று தமிழில் தயாரிக்கப்பட்டுள்ளது.
அவள் பெயர் தமிழரசி’, ‘விழித்திரு’ படங்களை இயக்கிய மீரா கதிரவன், அடுத்து புதுமுகங்கள் நடித்துள்ள ‘ஹபீபி’ என்ற படத்தை இயக்கியுள்ளார். இஸ்லாமிய குடும்பப் பின்னணியில் உருவாகியுள்ள இந்தப் படத்தில் இயக்குநர் கஸ்தூரி ராஜா முக்கிய வேடத்தில் நடித்துள்ளார்.
நேசம் என்டர்டெயின்மென்ட் தயாரிக்கும் இந்தப் படத்துக்கு மகேஷ் முத்துசுவாமி ஒளிப்பதிவு செய்துள்ளார். சாம் சி.எஸ் இசை அமைத்துள்ளார்.
இதுவரை வந்த தமிழ்ப் படங்களில் இஸ்லாமியர்கள் வாழ்வு ஒரு பகுதியாகத்தான் இருந்திருக்கும். இதில் முழுமையாக இருக்கும்” என்று இயக்குநர் மீரா கதிரவன் ஏற்கெனவே கூறியிருந்தார்.
தயாரிக்கப்பட்டு நீண்ட காலமாக வெளியிடுவதில் தாமதம் ஏற்பட்டு வந்த நிலையில்இந்தப் படத்தை ரோமியோ பிக்சர்ஸ் ராகுல் வெளியிடுகிறார் என்று படக்குழு அறிவித்துள்ளது.”