முத்தமிட்டு திருமண அறிவிப்பை வெளியிட்ட காமெடிநடிகர் ராகுல்

இளம் முன்னணி நடிகர் விஜய் தேவரகொண்டாவுக்கு மிகப்பெரிய அறிமுகத்தை பெற்றுத்தந்த படம் அர்ஜுன் ரெட்டி. இந்தப்படத்தில் நகைச்சுவை நடிகராக முக்கிய கதாபாத்திரத்தில் நடித்து ரசிகர்களின் கவனத்தை கவர்ந்த இன்னொரு நடிகர் ராகுல் ராமகிருஷ்ணா. தொடர்ந்து கீதா கோவிந்தம் படத்திலும் விஜய் தேவரகொண்டாவுடன் நடித்தார். சமீபத்தில் ராஜமவுலி இயக்கத்தில் வெளியான ஆர்ஆர்ஆர் படத்திலும் ராம்சரனிடம் சிக்கி கொள்ளும் ஜூனியர் என்டிஆரின் ஆளாக ஒரு முக்கிய கதாபாத்திரத்தில் நடித்துள்ளார் ராகுல் ராமகிருஷ்ணா. விரைவில் வெளியாகவுள்ள ராணாவின் விராட பர்வம் படத்திலும் முக்கிய கதாபாத்திரத்தில் இவர் நடித்துள்ளார்.இந்த நிலையில் தனது திருமணம் குறித்த அறிவிப்பை வித்தியாசமான முறையில் சமூக வலைத்தள பக்கத்தில் வெளியிட்டுள்ளார் ராகுல். தனது வருங்கால மனைவிக்கு முத்தம் கொடுத்து அந்த புகைப்படத்தை சமூக வலைத்தளத்தில்  வெளியிட்டு விரைவில் திருமண பந்தத்தில் இணைகிறேன் என்று குறிப்பிட்டுள்ளார். ஆனால் அவரது வருங்கால மனைவியின் பெயர், மற்ற விவரங்கள் பற்றி அவர் எதுவும் குறிப்பிடவில்லை.