ஆடு வெட்டிய ரசிகர்களை கண்டித்த ரஜினி ரசிகர் மன்றம்

இதை வரவேற்று ரசிகர்கள் கொண்டாடினர். இன்னும் சில வெறிப்பிடித்த ரசிகர்கள் ரஜினியின் அண்ணாத்த பிளக்ஸ் முன்பு ஆட்டை பலி கொடுத்து அதன் ரத்தத்தை அந்த பேனர் மீது அபிஷேகம் செய்துவிட்டு அதனை வீடியோவாக சமூக வலைத்தளங்களில் பதிவு செய்தனர் இது பொதுவெளியில்கடும் அதிர்ச்சியை, வெறுப்பையும் மக்கள் மத்தியில்உண்டாக்கியது.

இது தொடர்பாக நடிகர் ரஜினியோ அல்லது படக்குழுவினர் தரப்பில் இருந்தோ இச்செயல் செய்தவர்களை கண்டிக்கவில்லை. இதனாலயே அதனைசுட்டிக்காட்டி இதுபோன்ற செயல்களில் ஈடுபட்ட ரசிகர்களை தடுக்க வலியுறுத்தி அவர் மீது போலீசில் புகார் அளிக்கப்பட்டுள்ளது.

இந்நிலையில்  ரஜினி ரசிகர் மன்ற நிர்வாகி சுதாகர் வெளியிட்ட அறிக்கையில்,  அண்ணாத்த படத்தின் முதல் பார்வைபோஸ்டர் மீது ஒரு சிலர் ஆடு வெட்டி ரத்த அபிஷேகம் செய்வது போன்ற வீடியோ சமூக வலைதளங்களில் பரவி வருகிறது.

 இது வன்மையாகக் கண்டிக்கத்தக்கது மட்டுமின்றி மிகவும் வருந்தத்தக்கது. அருவருப்பான இதுபோன்ற செயல்களில் யாரும் ஈடுபட வேண்டாமென்று அன்புடன் கேட்டுக் கொள்கிறோம்.

இவ்வாறு தெரிவிக்கப்பட்டுள்ளது.