ஜீவா, அர்ஜுன் நடிப்பில் உருவாகும் ‘அகத்தியா’ படத்தின் டீசரை படக்குழு வெளியிட்டுள்ளது
கவிஞர்.பா.விஜய் இயக்கும் புதிய படத்தில் ஜீவா நடிக்கிறார். உலக அளவில் பிரபலமான ‘ஏஞ்சல்ஸ் வெர்சஸ் டெவில்’ கதைக்கருவுடன் உருவாகும் இந்த படத்துக்கு ‘அகத்தியா’ என்று தலைப்பிடப்பட்டுள்ளது. ஹாரர் த்ரில்லர் படமான இதனை வேல்ஸ் ஃபிலிம் இன்டர்நேஷனல் நிறுவனம் தயாரிக்கிறது.
இதில் அர்ஜுன், ராஷி கண்ணா உள்ளிட்டோர் நடித்துள்ளனர். இதற்கான பெயர் அறிவிப்பு போஸ்டரை படக்குழு வெளியிட்டுள்ளது. இப்படம் தமிழ், தெலுங்கு மற்றும் இந்தி ஆகிய மொழிகளில் வரும் ஜனவரி 31ஆம் தேதி திரையரங்குகளில் வெளியாகிறது.
டீசர் எப்படி?
திகில் படங்களுக்கே உரிய பாழடைந்த பங்களா, பீரியட் கதைக்களம் ஆகியவற்றுடன் தொடங்கும் டீசரில் ஏதோ ஒரு மர்மத்தை தேடி ஜீவா பயணப்படுவதாக காட்டப்படுகிறது. தீபக் குமாரின் ஒளிப்பதிவு கவனிக்க வைக்கிறது.
யுவன் சங்கர் ராஜா பின்னணி இசை அமானுஷ்ய படங்களுக்கே உரித்தான வகையில் எதிர்பார்ப்பை ஏற்படுத்துகிறது.டீசரில் அர்ஜுனின் கதாபாத்திரம் ஓரிரு நொடிகள் மட்டுமே வந்தாலும் படத்தின் முக்கிய அங்கமாக அவர் இருப்பார் என்பதை புரிந்து கொள்ள முடிகிறது.