தர்பார் வாட்ஸ்ப்பில்?
லைகா புரொடக்ஷன்ஸ் தயாரிப்பில் ரஜினிகாந்த் நடித்து வெளியான தர்பார் திரைப்படம் ‘வாட்ஸ் அப்’பில் பகிரப்பட்டதைத் தொடர்ந்து காவல் நிலையத்தில் புகார் அளிக்கப்பட்டுள்ளது.
ஏ.ஆர்.முருகதாஸ் இயக்கத்தில் ரஜினிகாந்த் – நயன்தாரா நடித்திருந்த தர்பார் திரைப்படம் ஜனவரி 9ஆம் தேதி வெளியானது. சந்தோஷ் சிவன் ஒளிப்பதிவு செய்திருந்த இந்தப் படத்துக்கு அனிருத் இசையமைத்திருந்தார்.
கடந்த வியாழக்கிழமை வெளியான தர்பார் திரைப்படம் திரையரங்குகளில் ஓடிக்கொண்டிருக்கும் நிலையில் படம் குறித்த தவறான தகவல்கள் சில வாட்ஸ் அப் குழுக்களில் பரப்பப்பட்டு வந்தது.
அவர்கள் அளித்துள்ள மனுவில், ‘லைகா புரொடக்ஷன்ஸ் என்னும் எங்கள் நிறுவனம் தயாரித்த ‘தர்பார்’ திரைப்படம் கடந்த 9ஆம் தேதி வெளியானது. மிகப் பெரிய பட்ஜெட்டில் இந்தத் திரைப்படத்தை நாங்கள் தயாரித்துள்ளோம்.
தற்போது, எங்களுக்கு மிகப்பெரிய நஷ்டத்தை ஏற்படுத்தும் உள் நோக்கதோடு ‘யாரும் தர்பார் படத்தைத் திரையரங்குக்குச் சென்று பார்க்க வேண்டாம்’ என்று வாட்ஸ் அப் குழுக்களில் பகிரப்பட்டு வருகிறது.
இவ்வாறு தவறான தகவல்களைப் பரப்பி வரும் நபர்கள் மீது கடுமையான நடவடிக்கை எடுக்க வேண்டும். இந்தப் புகார் மனுவை அவசரமாகக் கவனிக்குமாறு கேட்டுக் கொள்கிறோம்’ என்று லைகா நிறுவனம் காவல்துறைக்குப் புகார் மனு ஒன்றை அளித்துள்ளது.