வல்லமை – திரைப்பட விமர்சனம்

மனதை உலுக்கும் வேடத்தில் நடித்திருக்கிறார் சிறுமி திவதர்ஷினி.அவர் சும்மா நின்றாலே பதறுகிறது.தனக்கேற்பட்ட பாதிப்பு குறித்து அவரே சொல்லும்போது பதட்டம் கூடுகிறது.

காவல்துறை ஆய்வாளராக நடித்திருக்கும் ’வழக்கு எண்’ முத்துராமன், காவலராக நடித்திருக்கும் சூப்பர் குட் சுப்பிரமணியம், தொழிலதிபராக நடித்திருக்கும் சி.ஆர்.ரஜித்,ஓட்டுநராக நடித்திருக்கும் சுப்பிரமணியன் மாதவன், பெட்ரோல் திருடும் இளைஞராக நடித்திருக்கும் விது, பள்ளி உதவிப் பணியாளராக நடித்திருக்கும் திலீபன் ஆகியோர் இயல்பாக நடித்திருக்கிறார்கள்.

இசையமைப்பாளர் ஜி.கே.வி,படத்துக்கு எவ்வளவு தேவையோ அவ்வளவு மட்டுமே இசையமைத்திருக்கிறார்.

ஒளிப்பதிவாளர் சூரஜ் நல்லுசாமி,சாதாரணமாகக் கடந்து போகக் கூடிய காட்சிகளையும் பார்ப்போர் மனதில் ஆழப்பதியும்படி காட்சிப்படுத்தியிருக்கிறார்.

கதை, திரைக்கதை, வசனம், பாடல்கள் எழுதி இயக்கியிருக்கிறார் கருப்பையா முருகன்.அவரே தயாரிப்பாளரும் கூட.

இப்படி ஒரு கதையைத் தேர்ந்தெடுத்த சினம்,சொல்லவந்த செய்தியின் கனம்,அதில் பிரேம்ஜியை நடிக்க வைத்த திடம் எனப் பலவற்றிலும் வியக்க வைத்திருக்கிறார்.