சர்தார்-2 மூலம்ஹாட்ரிக் வெற்றியை எதிர்நோக்கும் சிவக்குமார் குடும்பம்

By admin On Sep 3, 2026

தமிழ்சினிமாவில் நடிகர், நடிகைகள் தாங்கள் நடித்த படங்களின் மூலம்தொடர்ந்து மூன்று வெற்றியை அனுபவித்திருக்கிறார்கள். திரைப்பட துறையில் இருக்கும் ஒரு குடும்பம் ஒரே ஆண்டில் அடுத்தடுத்து மூன்று வெற்றிகளை பெற்றது இல்லை

அப்படியொரு வாய்ப்பு நடிகர் சிவகுமார் குடும்பத்திற்கு அமைந்திருக்கிறது. அவரது மகன் சூர்யா, நடித்த கருப்பு, விஸ்வநாத் & சன்ஸ்படங்கள் இந்த ஆண்டில் அடுத்தடுத்து வெளியாகி பாக்ஸ் ஆபீஸ் வசூலில் ஹிட் அடித்தது. இம்மாதம் 10 ஆம் தேதி சூர்யா தம்பி கார்த்தி நடிப்பில் சர்தார்-2 படம் வெளியாக உள்ளது.

பி.எஸ்.மித்ரன் இயக்கத்தில் கார்த்தி நடித்துள்ள இந்தபடத்தில் மாளவிகா மோகனன், ஆஷிகா ரங்கநாத், ரஜிஷா விஜயன், எஸ்.ஜே.சூர்யா, யோகி பாபு உள்பட பலர் நடித்துள்ளனர். பிரின்ஸ் பிக்சர்ஸ் மற்றும் ஐவிஒய் என்டர்டெய்ன்மென்ட் நிறுவனங்கள் சார்பில் எஸ்.லக் ஷ்மன் குமார் மற்றும் இஷான் சக்சேனா ஆகியோர் தயாரித்துள்ளனர். ஜார்ஜ் சி.வில்லியம்ஸ் ஒளிப்பதிவு செய்திருக்கும் இந்த திரைப்படத்துக்கு சாம் சி எஸ் இசையமைத்திருக்கிறார்.
இந்தப்படம் செப்டம்பர். 10 ஆம் தேதி வெளியாகிறது. இந்தப்படம் வெற்றி பெற்றால் ஹாட்ரிக் வெற்றியை பெற்ற கலைக் குடும்பமாக நடிகர் சிவக்குமார் இருப்பார்.

இதன் இசை மற்றும் முன்னோட்ட வெளியீட்டு விழா சென்னையில் நடைபெற்றது.

விழாவில் நடிகர் கார்த்தி பேசியதாவது

தமிழ் சினிமா என்பது பொழுதுபோக்குக்காக மட்டுமல்ல. தமிழ் சினிமா தமிழ்நாட்டின் அடையாளமாக இருக்கிறது. நான் வெளிநாட்டில் படித்துக் கொண்டிருக்கும் போது, தெலுங்கு, இந்தி என பல மொழி திரைப்படங்களைக் காண்பித்தாலும் தமிழ்ப்படம் என்று காண்பிக்கும் போது, அந்த திரைப்படத்துக்கு என தனி கலர் உண்டு.

அதில் நடிகர்களின் நடிப்பை பார்ப்பார்கள், நடனத்தை கவனிப்பார்கள், சண்டைக் காட்சிகளை ரசிப்பார்கள். பிறகு கிண்டலும் செய்வார்கள். பாராட்டவும் செய்வார்கள். கிண்டல் செய்யும்போது, இவர்கள் பாராட்டும் வகையில் ஒரு படத்தை வழங்க வேண்டும் என ஆசையாக இருக்கும்.

பிளாஸ்டிக் பாட்டிலில் தண்ணீர் குடிப்பதை வேண்டுமானால் நீங்கள் தவிர்க்க முடியாமல் தொடர்ந்திருக்கலாம். இந்தப் படத்தைப் பார்த்து பிறகு இந்தப் படம் சொல்லும் விஷயத்தை உங்களால் தவிர்க்கவே முடியாது. ஏனென்றால் உங்களுடைய ஆரோக்கியத்தை பற்றிய அசைத்துப் பார்க்கும் உண்மையை இதில் சொல்லி இருக்கிறோம். இதுதான் படத்தில் முக்கியமான விஷயம்.

ஒரு படம் மிகப்பெரிய விவாதத்தை ஏற்படுத்த வேண்டும் என்று விரும்புபவன் நான். அதை இந்தப் படத்தில் இயக்குநர் மித்ரன் செய்திருக்கிறார். படம் வெளியான பிறகு இது தொடர்பான மிகப்பெரிய உரையாடல் ஏற்படும். இவ்வாறு கார்த்தி பேசினார்.

‘