‘ஹைக்கூ’ பட டிரெய்லர் வெளியானது!

இளமைத் துள்ளல் நிறைந்த பொழுதுபோக்கு அம்சங்களுடன், உணர்வுப்பூர்வமான ‘ஹைக்கூ’ ரொமான்டிக் காமெடி திரைப்படம் ரசிகர்களுக்கு பிடித்த வகையில் உருவாகி உள்ளது.

ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்திருக்கும் இப்படத்தை யுவராஜ் சின்னசாமி எழுதி இயக்கியுள்ளார். விஷன் சினிமா ஹவுஸ் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் தயாரித்துள்ளனர். 2026அக்டோபர் 23ஆம் தேதி உலகம் முழுவதும் திரையரங்குகளில் வெளியாகவுள்ள ‘ஹைக்கூ’ படத்தின் டிரெய்லர் தற்போது வெளியாகி, ரசிகர்களிடையே நல்ல வரவேற்பைப் பெற்று வருகிறது.

கல்லூரி கலாட்டா, கலர்ஃபுல் விஷூவல்ஸ் மற்றும் காதல் என 145 விநாடிகள் நீளும் டிரெய்லர் கதையின் மையத்தை ரசிகர்களுக்கு அறிமுகப்படுத்துகிறது. பெண்கள் மட்டுமே படிக்கும் கல்லூரியில் ஒரே ஒரு மாணவனாக மனோ வரும்போது நடைபெறும் எதிர்பாராத மற்றும் நகைச்சுவையான சம்பவங்களே இப்படத்தின் கதைக்களம். கதாபாத்திரங்களுக்கு இடையேயான கெமிஸ்ட்ரி, நகைச்சுவை காட்சிகள் மற்றும் கதையின் உணர்வுப்பூர்வமான  தருணங்கள் டிரெய்லரில் இடம்பெற்றுள்ளது.

‘கோர்ட்: ஸ்டேட் Vs நோபடி’ திரைப்படத்தின் மூலம் கவனம் ஈர்த்த ஸ்ரீதேவி, இயல்பான நடிப்பாலும் திரை இருப்பாலும் இந்தப் படத்திலும் பார்வையாளர்களைக் கவர்கிறார். அதேபோல் ஃபெமினா ஜார்ஜ், தனது வசீகரமான தோற்றம் மற்றும் நடிப்பால் கதைக்கு கூடுதல் அழகு சேர்க்கிறார். ஏகன், ஸ்ரீதேவி மற்றும் ஃபெமினா ஜார்ஜ் என முன்னணி கதாபாத்திரங்களின் எனர்ஜி படத்தின் மீதான எதிர்பார்ப்பை மேலும் அதிகரித்துள்ளது.

ஏகன், ஸ்ரீதேவி மற்றும் ஃபெமினா ஜார்ஜ் முன்னணி கதாபாத்திரங்களில் நடித்திருக்க அதிர்ச்சி அருண், சுப்ரமணிய சேது, அதியமான், மைம் கோபி, இந்துமதி மணிகண்டன் உள்ளிட்ட பலர் முக்கிய கதாபாத்திரங்களில் நடித்துள்ளனர்.

படத்திற்கு சித்து குமார் இசையமைத்துள்ளார். ஹரிஹரன் ராம் கூடுதல் திரைக்கதையை எழுதியுள்ளார். பிரியேஷ் குருசாமி ஒளிப்பதிவை மேற்கொள்ள, சக்தி பிரணீஷ்.பி படத்தொகுப்புப் பணிகளை கவனித்துள்ளார். கலை இயக்கத்தை பிரேம் கருந்தமலை மேற்கொண்டுள்ளார்.