காடும், யானையும், ஈர்க்கும் இசையும்! – ‘கள்வன்’ ட்ரெய்லர் எப்படி?

கிராமம், காடு, யானை என பயணிக்கும் ட்ரெய்லர் படத்தின் கதையை கணிக்க முடியாத வகையில் தொகுக்கப்பட்டுள்ளது.. யானையை வைத்து காரியம் சாதிக்க ஜி.வி.பிரகாஷும், தீனாவும் திட்டமிடுகிறார்கள். அது என்ன என்பது குறித்த எந்த விவரமும் இல்லை. தந்தம் கடத்தல் அல்லது வேறு எதாவது சட்டவிரோத செயல்களாக இருக்கலாம் எனத் தெரிகிறது.பாரதிராஜா வந்து செல்கிறார். அவருக்கான முக்கியத்துவமான காட்சிகள் இல்லை. புதிராகவே நகரும் ட்ரெய்லரில் சுவாரஸ்யமான காட்சிகளோ, கதையின் போக்கை கணிக்கும் வசனங்களோ எதுவும் இடம்பெறவில்லை. பின்னணி இசை கவனிக்க வைக்கிறது. படம் வரும் ஏப்ரல் 14-ம் தேதி திரையரங்குகளில் வெளியாக உள்ளது குறிப்பிடத்தக்கது.