ஜி.மோகன் இயக்கத்தில் செல்வராகவன், நட்டி நட்ராஜ் நடிக்கும் ‘பகாசூரன்’ படம்..!

“பழைய வண்ணாரப்பேட்டை’, ‘திரௌபதி’, ‘ருத்ர தாண்டவம்’ போன்ற படங்களின் மூலம் தமிழ்த் திரையுலகத்தில் சர்ச்சைகளை ஏற்படுத்தியவர் இயக்குநர் ஜி.மோகன்.அவர் அடுத்ததாக ஜி.எம்.பிலிம் கார்ப்பரேஷன் பட நிறுவனம் மூலம் தனது புதிய படத்தைத் தயாரித்து  இயக்கி வருகிறார்.இந்தப்  படத்தில் இயக்குநர் செல்வராகவன் கதாநாயகனாக நடிக்கிறார். நட்டி நட்ராஜ் முக்கிய கதாபாத்திரத்தில் நடிக்கிறார்இந்தப் படத்திற்கு ‘பகாசூரன்’ என்று தலைப்பு வைத்துள்ளனர். இந்தத் தலைப்பு நேற்று வெளியாகி ரசிகர்களிடையே பெரிய வரவேற்பை பெற்றுள்ளது.
தற்போது இந்தப் படத்தின் படப்பிடிப்பில் 70 சதவீதம் முடிவடைந்துவிட்டது. இறுதிக்கட்ட படப்பிடிப்பு அடுத்த வாரம் துவங்க இருக்கிறது.வருகிற செப்டம்பர் மாதம் படத்தை வெளியிட இருப்பதாக  படக் குழுவினர் தெரிவித்துள்ளனர்.