தன்னம்பிக்கை’ திகிராண்ட்மாஸ்டர்’ திரைப்பட விமர்சனம்

சிறுவன் அஸ்மின் படம் முழுக்க தன்மேல்தான் இருக்கிறதென்று உணர்ந்து அதற்கேற்ப நடித்திருக்கிறார்.

அபர்ணதியின் கணவராக நடித்திருக்கும் லிங்கேஷ்,பொறுப்பாக நடித்திருக்கிறார்.வில்லனாக நடித்திருக்கும் சுரேஷ்மேனன்,மேல்தட்டு வர்க்கத்தினரை பிரதிபலித்திருக்கிறார்.

ஒளிப்பதிவாளர்கள் அர்ஜுன் ரவி மற்றும் ஞானசேகரன்.ஆர்.எஸ் ஆகியோர் காட்சிகளை மட்டுமின்றி கதாபாத்திரங்களின் உணர்வுகளையும் காட்சிகளில் வெளிப்படுத்தியிருக்கிறார்கள்.

தினேஷ் ஆண்டனியின் இசையில் பாடல்கள் கேட்கலாம்.பின்னணி இசை திரைக்கதை ஓட்டத்துக்குப் பலம் சேர்த்திருக்கிறது.

கொஞ்சம் விட்டால் தொய்வடைந்துவிடும் ஆபத்துள்ள திரைக்கதையை விறுவிறுப்பாக மாற்ற முயன்று வென்றிருக்கிறார் படத்தொகுப்பாளர் ரஞ்சி.சி.கே.

எழுதி இயக்கியிருக்கிறார் வெற்றிச்செழியன்.அடித்தட்டு மக்கள் வாழ்வில் அள்ள அள்ளக் குறையாமல் தொடரும் துயரங்களில் ஒரு பகுதியைப் படமாக்கியிருக்கிறார்.விளையாட்டை மையமாக வைத்து வெளியாகும் படங்களுக்கே உரிய வேகத்துடனும் விறுவிறுப்புடனும் படத்தைக் கொண்டு செல்ல முயற்சித்திருக்கிறார்.ஒரு சிறுவனின் கனவு என்று தொடங்கும் படம் போகப்போக அச்சிறுவனின் தாய் உள்ளிட்டோரின் தொடர்ச்சி என்று சொல்லியிருப்பது திரைக்கதைக்குத் திருப்பம் என்றாலும் காலங்காலமாக இது தொடருகிறது என்பதை உணர்த்தும் வண்ணம் அமைந்திருக்கிறது.இது இயக்குநரின் பலம்.