மோகன்லாலுவுடன் 12 வருடங்கள் கழித்து இணையும் ஷாஷி கைலாஷ்
மலையாள திரையுலகில் முதல் இடத்தில் இருக்கும் கமர்ஷியல் இயக்குனர் ஷாஜி கைலாஷ். தமிழில் அஜித்குமார் நடித்த ஜனா, விஜயகாந்தின் வாஞ்சிநாதன் மற்றும் நடிகர் ஆர்.கேவை வைத்து எல்லாம் அவன் செயல் உட்பட சில படங்களை இயக்கியுள்ளார்.
தற்போது மீண்டும் மலையாள முன்ணனி நடிகர்கள் நடிக்கும் படங்களை இயக்கும் வாய்ப்பு கிடைத்துள்ளது அந்தவகையில் சுரேஷ்கோபி நடிப்பில் கடுவா என்கிற படத்தை இயக்கி முடித்துவிட்டார்.
இந்தப்படம் ரிலீசாவதற்கு முன்பாகவே மோகன்லாலை வைத்து தனது அடுத்த படத்தை இயக்கவுள்ளார் ஷாஜி கைலாஷ்.. இதற்கான அறிவிப்பை நேற்றுதானே வெளியிட்டுள்ள மோகன்லால், “பனிரெண்டு வருடங்கள் கழித்து நாங்கள் மீண்டும் இணைகிறோம்… நீண்ட நாள் காத்திருப்பு நிச்சயம் உங்கள் எதிர்பார்ப்பை வீணாக்காது, வரும் அக்டோபர் மாதம் இந்தப்படத்தின் படப்பிடிப்பு துவங்க உள்ளது” என கூறியுள்ளார்.
கடந்த 2009ல் இவர்கள் கூட்டணியில் கடைசியாக ரெட் சில்லிஸ் என்கிற படம் வெளியானது. அதற்கு முன்னதாக பாபா கல்யாணி, நாட்டுராஜாவு, ஆறாம் தம்புரான் என மோகன்லாலுக்கு பல ஹிட் படங்களை கொடுத்துள்ளார் இயக்குனர் ஷாஜி கைலாஷ்.